On the ‘Tautai A’e’ show dated 14 Sep 2023, Sam told Asiata that Lealailepule Rimoni Aiafi was behind the hit and run that resulted in the death of Tuuau Faasavalu. Tuuau, also known as Ituau, was discovered on the side of Maali Street, Vaitele, in the early hours of Wednesday, 21 April 2021. Samuelu alleges he received a payment of $9,000 to stay silent about the incident. Despite the passage of time, the Police investigation has yet to yield significant progress. Although speculations have swirled among the public and on social media, none have been as dramatic as the revelation made by Samuelu on the show. The complete transcript of the interview, in which Samuelu also discloses that Rimoni had approached him to target two Cabinet Ministers, Olo and Laauli, can be found below.
Sam’s interview with Asiata at the Tautai A’e on BluewaveTV 14 Sep 2023
Asiata: Ou te fiafia e fa’ailoa atu, o lea ua maua la’u feso’otaiga i Samoa e fa’aaoga ai le video call i le messenger ia ma le susuga ia Sam, o le igoa ua tele na lau vivilu i le taimi lenei, i talanoaga i luga o social media, ae maise fo’i ona e fai le ogaoga o nisi fo’i o tu’uaiga, aemaise fo’i nisi o molimau ma ni mau ua aumai, ia e fa’asaga lea i se case ua leva ona taoto, a’o lo’o tapisa i lenei taimi i le anofale o le case lenei, i le maliu ai o le uso fo’i po’o le atali’i ia Tuuau, lea sa maliu mai Vaitele. Ia manisi mau o lea ua manu mai tua, fa’apea mai sa fa’atonuina fo’i ma ia, ina ia fa’aoo le tagatavaleina, ia, i nisi o sui minisita.
Ou te fiafia e fa’ailoa atu Samoa, o lea ua maua la’u feso’otaiga ma le susuga ia Sam, i lenei vaega o le afiafi. Talofa Sam, malo le soifua manuia.
Sam: Malo le soifua, lau afioga Asiata.
Asiata: Ia malo le soifua maua, aua ua kilia lelei mai ua e maua mai a’u Sam?
Sam: Ia o lea ua maua atu taua le Afioga Asiata.
Asiata: Ia fa’afetai tele, e muamua ona momoli le fa’afetai ona o le fa’aavagoa maiga o lau taimi, ina ia mafai ona faia le fa’atalatalanoaga lenei i luga o le BlueTV po’o MoanaTv ia matou i Aukilani i Niu Sila nei. Ia o le a ta’o loa ini vaega oute fesiligia ai, ah, lau susuga, ia i luga fo’i o le polokalame. Ma e oute mana’o e te silafia fo’i Sam, ae oute iloa fo’i ua e silafia le vaega lenei, ole, o vaega uma aemaise o le a tatalanoaina, e ono mafai ona avea ma avea e malu o le malu ma le matagaluega o leoleo, e fai ma molimau, e fai ma ni auala o ni sailiiliga. E le na’o se talanoaga fa’asamasamanoa, ae o se talanoaga ia e silafia ma ou mautinoaina, e uma ae o le a mafai ona fa’aaogaina ini suesuega, ia ae le gata fo’i i lea, o mataupu ogaoga.
O le fesili muamua lava e tu’uina atu, e mafai ona confirm mai lou suafa fa’amoemole, lou suafa atoa, o lea iloa ai oe fa’amoemole.
Sam: O lo’u igoa o Samuelu Leau Su’a. O Piki le igoa kaule’ale’a, tama.
Asiata: Malo fa’afetai. Samuelu Leau Su’a. Ok, o le a ta le’o i afioaga, o le a fa’afafala le vaega lea, ta’atia atu mulimuli ona o lea e maua e ono iai i lima o le tulafono, ma nisi o vaega fa’apena ae o lea ua fa’amaonia lou tagata, lea fo’i ua maimoa atu le mamalu lautele o le atunu’u.
O le fesili muamua ou te fia fesiligia, O fea sa e iai i le kaimi ga lavea ai Kama lea o Tuuau. Ae o le a se taimi na tupu ai? O le’a fo’i sou a’afiaga anai i le fa’alavelave lea, e mafai ona e saunoa muamua mai iai, fa’amoemole.
Sam: Ia fa’afetai lava mo le fa’afesili. Ia Asiata, e tupu lenei fa’alavelave i se taimi o le lua, i le te’a o le afa o le lua i le po. Le po tonu lava lea na fai ai le fa’atalitaliga o le faiga palota ma le faiga malo a Samoa. O le lavea ai o Tuuau, ou te le’i mautinoa fo’i o Tuuau le igoa o le tagata lea na savali mai i lalo ma fai mai laga kelefogi i le a’e mai i lalo i le auala lea i lalo o le falesa Mamoga. A’o lea o te tu tonu lava i luga o le mea e iai le falesa Mamoga, i le fale lea e iai le BBQ, o lea tu ai le pasika, sa ou alu atu ai ma le teinei nei o Marie.
Ona e le’i leva lava, ae ou vaaia loa le kagaka lea e ataata mai loga aka i le savali mai lalo i moli o le pa o le falesa Mamoga, o’u faiaku loa ia Marie, Marie ka fa’akali laikiki se’i pasi le kagaka la’e la’a mai, leaga kei ua iloa ka’ua oga vave lea oga iloa e lo’u ko’alua le mea gei kake fa’apegei ai. Aua e pei o kulaga ga lau Afioga Asiaka, o le keigeikiki lea, sa iai le ma fa’apouliuli sa fai, ae o le afafige o le kuagage o lo’u ko’alua, o kulaga ga sa ou popo’e ai ma ou kaofiofi ai oga o le ma mafukaga ma lo’u ko’alua, ae maise ai si a ma fagau. Ae sa kupu le fa’alavelave o le landcruiser e sau mai i lalo i le a’ega o le maota o Samoa. Sa ou fa’apea o se ka’avale i lalo o le paki lea sa fai ai aua o le po kogu a lea sa fai ai fiafiaaga i lalo o le maota o Samoa. Ae sau le ka’avale, e ke’i lava ua koe mimilo tu a io ma luma, koeikiiki a so’a le ala kele lava lea i luma o le BBQ lea, le faleoloa lea, e le o se faleoloa, ae o le mea e fai ai le BBQ, po’o le faleaiga fo’i le gale e fai ii. Oga kifa loa lea i le pa Mamoga, o le koe kifaga mai i’i i le iku lea, i le iku lea i le iku a lea i le falesa lea, o le mea lea e iai le le fale lea ou ke ku ai, fai bbq lea, koe kifa loa i le isi iku, oga alu aku loa kaia loa i le fa’aka le kagaka lea savali mai. Ou vaai aku, kaia i le fa’aka, pa’u aku i lalo le kagaka, ua le iloa aku loga kigo akoa, a’e ua ou ke’i i lo’u vaai akuga i le pa’u i le piko i kua o le landcruiser, o lea pe’a i luga o le kagaka lea ka’akia, lea ua ka’akia i lalo, se’i kulou le fa’afofoga o le akugu’u, Samoa, Asiata, o le lavea o Tuuau, Sa ou pueina mai ma ata i le kaimi lea, ma pu’e ai ma le number plate o le ka’avale lea sa so’a ai, ae sa alu sa’o le ka’avale i kokogu o Vaikelefou. E le’i kau, ga kau fa’akauku i le kaimi ga kaia ai Tuuau, ai oga vaai mai loa le kagaka lea i kokogu ia ke a’u, o Limogi, o a’u lea e kamo’e aku, e le’i fa’apea ga ou kamo’e fo’i gale, ga ou savali kopekope la’u alu ga ou alu iai. Ae o’u vaai akuga i le kaoko mai o le kagaka i lalo, e u ona vae i luga o le auala, ma le piko akoa o loga kigo, e gaka i’i le mea lea o Tuuau (Sam pointing on his chest, measuring with his hand from his chest up to his head), le mea e ogoogo i kua o le mea e iai le mukia (grass area near the road), le kulimagu o le piko o le ka (the edge of the tar), ma e a’afia le mea lea o ituau (Sam pointing to half of his lip), e veke uma le mea lea o le auvae, se’i kulou Samoa, e veke akoa i (Sam pointing to half of his face), ma lalo o oga gofoaga (Sam point to his loins), e aafia uma i le pa’u i le piko i kua o le landcruiser lea sa pe’a ai i luga. Asiaka, o mea ia, lea sa ou vaai ma ou pue’iga aka, ma ou ku’uiga loa iai iga ua omai leoleo e sailiilia, ouke leiloa po’o le a le mafuaaga ga alai oga omai leoleo ia ke a’u, a’o o’u faigaluega i le faleigisigia Tausamoa i le Afioga ia Esau.
I le kaeao lava lea, sa omai ai leoleo ma avaku fa’akopekope a’u, faimai, o lea ku’uaia a’u i le fa’alavelave lea. O la’u ka’avale sa so’a ai Tuuau. Ma sa ou fai i leoleo, e leai lava sa’u ka’avale ga iai ga o le pasika ouke fealua’i ai. E iai la’u uila afi ouke fealua’i ai. Ma e ouke iloaiga le kagaka sa kaiaga, le ka’avale lea sa kaiaga le kamaikiki lea o Tuuau ae ou te le iloa po’o ai tonu po’o ai le kagaka lea sau i le ta’avale lea. Ma ou kago loa la’ia avaku le number plate ma fa’aali i le susuga i le ali’i leoleo ia Su’a, a, o Ielemia, ia ma faimai loa ma laga kala. Sa kago ka i laga kelefogi, le number plate lea, ae faimai, O Leala. Ia ma ou, maukigoa ai loa le kagaka kogu e oga le landcruiser lea. Sa ou koe fo’i aku ua koe o koe momoli a’u, a, koe ku’u a’u i le fale igisigia. O’u fa’amavae ai loa i lea kaimi o le aoauli. O’u fai aku i la’u pule, Esau, lau Afioga ua le seki fo’i sa’u faigaluega i legei aso. Se’i ou alu i le fale e fai siga o’u malologa leaga ua, se’i oo kaeao oga ou sau lea ouke faigaluega oga ua le seki a a’u i le mea lea ua iai o lea e ku’ugaiga a’u, ae faimai a’o ai, o e kau iloaiga se kagaka? E leai o lea ga o le ka’avale lea, lea e molimau ai Esau i le number plate lea. Ia ma ua ou fa’amakala i la’u boss, o lea ua i lima o leoleo, le ta’avale lea, ma ua lakou sa’ilia fo’i. Le lua aso, lea, mai le aso lea sa ave ai a’u ua kolu ai aso, ae puga mai loa i luga oga lea ua oo la’u mau i o i leoleo, i le kaimi kogu lea o Egon Keil. Kaimi o komisiga mai Agon Keil. Ma e sa avaku la’u kelefogi lea, ga lakou avea faimai le fa’amakalaga, se’i ave e liliu mai aka gei.
Asiata: Le ata lea, Samuelu, le ata lea o le ta’avale, lea ga e vaaia i le po, lea ga so’aiga le kama lea.
Sam: Ia ma aka o Tuuau ia sa a kaoko i lalo. ga ou puega, o aka la ga sa ou avea i le kelefogi, i leoleo. E oo ma i le kaimi gei lau afioga Asiaka, e le’i toe oo mai lava la’u telefoni e pei o le kulaga ga, lea ua koe oo mai i legei kausaga, ma ou ku’iku’ia pea leoleo, o fea o fai ai la’u molimau fa’amolemole. Ia ae ouke alu atu, ua leai se komisiga o leoleo i le ga vaikaimi. Ua fa’amavae mai ea ao ua fai gei le mea gei le paloka legei, le faigamalo po’o fea e fai iai po’o le a le malo o le a ku, a. Ia a’e kei ua ou aluaku loa, o lea ua iai Logo i le kaimi gei, o lea ua iai le susuga ia Auapa’au. Ia ma ua ou fa’ailoa loa, ma ou iloa loa, e le o fa’amaogi le iko a leoleo ia ke a’u, e kusa ai ma lau savali aku i le makaupu lea. Oga ou uia loa, ou alu loa i se isi kagaka, se migisika o le malo, e ave iai e maua ai sa’u fesoasoagi, pau lea o se kagaka e mafai oga fesoasoagi mai ia ke a’u leaga e mo’i lava lau afioga Asiaka, o kaika fo’i e vaivai fo’i a i kamaoaiga i kokogu o si o makou gei aiga, Asiaka. Ia ae e pei o kulaga ga. Ia ou alu aku lava, fa’aoo i o lakou lima, le kelefogi gei, lea ou ke kalosaga aku i le iku o leoleo, fa’amolemole, fa’afoi mai la’u kelefogi. E oo mai i le kaimi gei lau afioga Asiaka e le’i koe fo’i mai lava le kelefogi. Lua, Asiaka, ga ou koe maua le feso’okaiga iga ua feso’oka’i ia le Afioga ia La’auliolemalietoa ga’i i se ali’i leoleo e ai gake trustiga (trust) lea ali’i. Ma ia kumaiga loa e feagai mo la’u makaupu. E o’o mai i le kaimi gei lau afioga, o Fa’ataumalama, o L’io Fa’ataumalama le igoa o lea ali’i leoleo. E fai fusipa’u o ia. Ma e sa makou galulue fa’akasi ma le leoleo e igoa ia Tomasi ma Nifa, e ka’ai lua si keige ma si tama lea. Sa matou galulue fa’atasi mo su’esu’ega ma mea uma ona ou fa’amatalaina iai le kupe sa aumai ia ke a’u. Ia ma o lea fo’i, ga makou o i le mea e iai a’u povi. O iiga fo’i sa lakou pikia mai a’u i le mea sa ou gofo i Kiavi, ga fai ai a’u povi. Sa fa’akau ai a’u povi i le kupe lea lau Afioga.
Asiata: Se’i ou vaelupe o e saunoa, se’i ou vaelupe o e saunoa ae tate le’i o atu i le isi vaega, oute mana’o lava se’i ou toe fo’i mai lava ia lau saunoaga, e pei a fo’i ona ou toe fa’amanatu atu i le amataga o le ta fa’atalanoaga. O igoa ma upu ma tala o molimau, o mau aemaise fo’i o taimi ma tulaga ma nofoaga, e ono mafai ona avea e leoleo e fai ma ni moliaga o mea o lo’o ta talanoa iai. Le ala fo’i la lea ou te toe fa’amanatu, o lea na e saunoaina, ina ua avatu lau telefoni lea i le ata lea i le taimi fa’akoa o aku ai leoleo ia muamua a’o e i le fale igisigia, avatu, ave loa lea o oe fa’apea sa’o lo’u kau fa’alogologo aku, ave oe e fai su’esu’ega, e kago loa fa’aali iai ga’o le number plate, ga’o fa’amaumauga ga e pu’ea, kusa e ke le’o iloa sesi. Ga oga siaki aku lava e le leoleo lea na e ta’ua lona suafa, ga oga siaki aku lava faimai ma lana tala, o le ta’avale, tulou, ou te tago e guote atu lao saunoaga lea ga e faimai, o le ta’avale, ta’ua ai ma le suafa matai o Leala.
Sam: Lealailepule!
Asiata: O le a la se isi aikia ga fai mai i le va lea, o lea ua ta’utino mai, o lea ua kago ka’u aku ia oe, laga e sa’o ga oga type aku a o lau number plate, maua, maua le ka’avale. Na maua se feso’otaiga, na maua sau fa’amaumauga i lena taimi, ga feso’ota’i leoleo agai ia Leala? Ina ia tau koneti mai ai i totonu, leaga o lea oute fia tulitulia lava, le mau lea fa’apea mai, o le afioga i le ali’i faipule.
Sam: E le’i iai se mea fa’apena sa faia e lea ali’i leoleo ia te a’u. na pau le mea faimai, o lea o le a koe momoli a’u i le mea o lea ouke faigaluega ai. A’e se’i uma oga koe omai lea ia ke a’u. Ae ga lakou kaofia loa la’u kelefogi i le kaimi lea. Le kelefogi lea sa kaofi loa i le kaimi lea. Ia ma sa ou koe ku’iku’i pea iai i po’o fea ea le kelefogi o lea fia fa’aaoga lau afioga. Ae sau ma le kala lea lau afioga Asiaka, o le la ua ave e le komesiga i fafo e fai mai su’esu’ega o aka o le kelefogi po’o fa’amaogia aka ia. O’u faiaku o le’a ea se sa’o o le mea gei o le a ave ai laka kelefogi? Ia e le’i koe fo’i mai.
Asiata: Na e toe feiloa’i la ma lau telefoni mai i le taimi lea na lua fa’amavae ai ma lau telefoni, ma fa’apea e fai ai su’esu’ega. Ua toe o’o atu le telefoni ia oe?
Sam: Leai lau Aifoga Asiata. E le’ toe fo’i fa’atasi mai la’u telefoni i le kaimi legei. O le Samsung A10.
Asiata: Malo fa’afetai, o le isi fa’afesili ou te fia fesiligia, o lea fo’i e lau manuia fa’apea, ia na maua, na fa’afefea la ona maua le lua so’otaga ma Leala, tulou ua ou ta’ua le suafa? O fea la o le ata lea na maua ai le lua so’otaiga ma le taimi na e oo ai ia Leala?
Sam: Ia, o lea lava sa ou koe alu ia Su’a Ielemia, ma ua faimai ia ke a’u, Sam, ia, sau, o lea ua ou kago aumai le aka lea e avaku ia ke oe, o le aka la lea, ma ou kago loa pu’e i le isi o’u kelefogi iga ua koe fai le isi kelefogi. O le TR3 or TL3. Sa iai. O le kelfogi a lo’u ko’alua sa mai loa koe pu’e ai le aka lea o’u alu ai loa i le fale o Leala, e fa’aali iai aga ua ou iloa o le mea e gofo ai Leala. Ma ou oo aku ai i loga fale, i le aso lea sa ou alu ai e sailia le mea e iai loga fale, o maua ma lo’u ko’alua sa ma’o. Oga ma fa’akali la’ia se’i magava mai le uso o lo’u ko’alua oga ma fa’aaogaaga lea o le la rental, sa ao ai le la pogesi ga mao ai lai i le fale e sailia le fale o Leala lea e fa’asigo mai e lo’o ko’alua. Ae ma oaku lau afioga Asiaka, e o i le aso lea, i le kaeao lea, ae oso mai le tama ma le teine o la e ofu le ofu foma’i. O la e fai le kogiga foma’i. Ma ou fesili loa i le kamaikiki lea, fa’amolemole lava, o ai e oga le ka’avale la e ku mai kua? Le landcruiser lale siliva la? Ae faimai le kamaikiki, o loga kama e oga. O’u fai aku e maua mai la lou tama fa’amolemole? Faimai, ia o la e i kua? Ia oga ma migoi aku lea o ma’ua ae migoi mai le la ka’avale i fafo, ma ma o aku loa ku le ka’avale. Ma ou o’o aku loa ouke alaku e e lua sikepu e alu i luga o le fale lea o Leala, o le isi iku e iai le sikepu o le isi iku e iai le sikepu. O’u la’a loa i le sikepu lea muamua o’u kau aku ai. Lea e piko i le mea e iai le pasi ma le ka’avale, le landcruiser lea. O’u oo aku loa i luga, o’u fai aku fa’amolemole lava pe maua aku sesi ii. Ae fa’alogo aku i le kala e pa’u le leo o le kagaka e le’o alaga mai leo iake a’u, e pa’u le leo ia ke a’u e pa’u kele. O le a lau fea’u e su’esu’e ai le kagaka e oga le ka’avale lea? Ia ma ou fai atu loa iai, fa’amolemole, tama, o le ka’avale lea o lea ua ku’uaiga ai a’u e leoleo, sa ave a’u e leoleo i le ka’avale lea ma faimai o a’u lea na so’aina le kagaka lea sa oki i luga i le mea lea i luga aku o Vaitele. Ia ae lea sa ou pu’eina le aka, le aka la lea i kokogu o la’u kelefogi lea le number plate. Ma sa vave ga sau legei kamaloa ma ou vaai akuga e maualuga le kamaloa, koe ulupo’o ia ae fa’asausau mai, e fulufulua loga fakafaka, ma e ka ai le kaulima i le lima. ia ma ma savali aku loa i kokogu o le fale. I loga fale, ia ma faimai ia ke a’u, Sam, ua e kauga i sesi lea mea? Fai aku, e leai ga o, sa ave a’u e leoleo ouke le’i fa’aalia lava se mea e uiga i leoleo, oga o iai le mea o lea ouke gofo ma a’u, ga’o, e iai le mea e kupu ia ke a’u ma le isi keigeikiki lea e mafua gei ga alai oga ou gakia le mea. Faimai loa ma Leala ia ke a’u, Sam, e mafai oga e kaofia mea ia? Faiaku le a le uiga o lau kala lau Afioga? Faimai ia ke a’u, o luga lava o le ova o la’u oga ma e o la’ua ma le keige e igoa ia May, e fa’apea o le ko’alua o Frankie sa la omai i le ka’avale i le po lea. Ga ia ku’uiga mai loa se kupe ia ke a’u e $9000 tala. Ma faimai ia ke a’u, Sam, kaofi le kupe lea e fai ai se mea e ke maga’o ai, o’u fai loa ia Leala, Leala, ouke maga’o e aumai le ka’avale lega mo a’u pe’a fa’apea o lea ua oki ai le kagaka la e i luga i o aua e ke’i ua keo kupu ai se isi mea ia ke oe. Ma ia kali mai ia ke a’u, Sa’o e mafai, ae se’i maua le iuga o le paloka, oga ma koe feiloa’i laia. Kalu ai ga uma lau afioga le fa’aiuga o le paloka, ae malaga Leala i fafo. O le koe fo’i mai o Leala, ae po’o le kolu ea o vaiaso o ou kau sailia mea a legei i le kamaikiki lea, oga o lea sa ou ka’uiga i leoleo, le kelefogi lea. Ou ke le iloa la ia lakou, o le mafuaaga lea ga alai oga sau i luga le igoa o Leala, O Limogi, i le kuuaiga muamua oga o la ua lakou maukigoa e le alii leoleo lea le kagaka e oga le ka’avale lea, lau Afioga.
Asiata: Fa’afetai. Se’i fai la’u na’i a’u tama’i vaega o le fesili lea fa’amolemole a’o ta iai, ina ua e taunu’u i le maota, o le ua e ta’ua le suafa, ma e vaia le ta’avale lea, le ituaiga o le landcruiser lea ua e ta’ua fo’i i luga o le polokalame, e kukusa le ka’avale lea ma ka’avale lea i le ata lea e te alu atu ma oe?
Sam: E sa’o lelei. E lagu siliva le aka lea sa ou pu’eiga, ae kosi aukafa i le kosi mumu pei e egaega le isi kosi o le ka’avale lava lea. E tint fo’i kioaka o le ka’avale leaga o lea sa ou le iloaiga lava i le po lea pe tint, a’o lea ua ou alu aku i le kaeao o’u kilokilo aku e sa’o lava e tint kioaka o le ka’avale e pogisa kioaka o le ka’avale.
Asiata: O iai ia te oe se fa’amaumauga o le ta’avale i le ata i le taimi lenei, ae ua o’o fo’i i malu o le malo se fa’amaoniaga o le ata lea?
Sam: Lau Afioga, e pei ona ou fai atu i le taimi ua sola, o le la ua i lima o leoleo uma mea nei. O aka uma lava gei ma fa’amaumauga gei lau afioga asiata.
Asiata: Malo fa’afetai, fa’afetai Sam, o lea ua e toe ta’ua le vaega i le selegi, a fa’alogologo atu ma le toto’a, aemaise le fa’afofogoa maua a Samoa, o le auiliili ia o lau fa’amakalaga, what I mean by that, o le details ia o lau aumaiga o lau molimau. O le uiga o la’u tala, e le’o a’u o se tagata leoleo, e le’o a’u o se leoleo malu o le malo, ae ua leva na ou faigaluega i matagaluega o corrections i nei i Niu Sila, e iloa e le to’atele sa matou galulue fa’atasi, sa ou i le vaega o le au su’esu’e, o le details ia o lhighlightiga o lau molimau. e o’o lava i fasitepu, fasitepu i le ituala i tai ma le ituala i uka ma tulaga uma fa’apena. O le details ia. Ae, ia manatua fo’i oute fa’amanatu atu lava, o lea fa’afofoga le mamalu o le atunu’u o lea fo’i ua e nanauta’i e te sau ete talanoa, ia, i le mataupu lenei, e iai se fa’amaoniaga o le $9000 lea e te ta’ua? E iai se fa’amaoniaga o lea tupe na avatu ia te oe, aua fo’i ete ta’ua ni suafa o nisi e mafai ona ou fautuaina.
Sam: Ia sa fa’akau ai a’u magu (bought cows) ma fai ai gifoaulo (two gold teeth) a lo’u ko’alua. e lua gifoaulo a lo’u ko’alua lea sa fai ai. Lea sa aumai mumua.
Asiata: Ia ok, Sam!
Sam: Ia!
Asiata: ok, fa’afetai, fa’afetai o lea ua e tali mai i la’u fa’afesili. So, ga pau ai i le selegi ga avaku ia te oe? O le vaega la lea ou te fia tulitulia i le vaega lea, o le’a le taimi mulimuli ga toe gata ai la se involvement a leoleo, o lea ouke kau fia kulikulia lava le vaega lea, leaga sa ou feso’otai nei i malu o malo, nei lavba, ae mulimuli la, se’i maea le ta talanoaga ona ou avatua lea fa’alauaitele o la’u feso’otaiga nei ma malu o le malo, ae le’i faia le ta fa’atalatalanoaga lenei. O la’u fa’afesili, ga iai se taimi lata mai na toe fesiligia ai oe e leoleo, fua iai i le tala o le mea lenei na tupu? Koeikiki a lua kausaga kaluai. O le’a le taimi mulimuli lava na’e toe taumafai ai i leoleo, e koe vage mai i luga le makaupu legei ma koe fa’akalakalagoa le makaupu gei o o’e le molimau maumausali.
Sam: I le tausaga lava lea i le vaikaimi lea ua ke’a i le tausaga lea ua te’a aku gei, 2022, lea sa ou koe alu ai fo’i i leoleo. Oga o lo’u maga’omia lea o la’u kelefogi, po’o fea ua fai iai. e o’o mai i le taimi nei lau afioga asiaka e le’i koe o’o mai lava ma e le’i koe kali mai lava sesi. Ouke fa’ailoa aku pea a’o fa’alogologo Samoa, kulou lava Samoa, kagaka o lea faia le drugs. Lea la ou kaukala aku i mea ia e pei o kulaga ia sa ou popo’e ai ma ou fa’aekeeke ai, o a’u sa fa’aaoga e leoleo, e fa’ainformer i luga o galuega i kokogu o le drugs. O le mafuaaga lea sa lakou kaumafai ai i lakou e pei fo’i le gale ua le ago ai ia ke a’u i lau mea lea ou ke alu aku ai oga o kulaga ia ua puipui lakou i’a ke a’u faimai, i iloa e kagaka ia lea ouke alu fai mai galuega oga maua laia pe faga a’u. O upu gei ma kala gei. Ga mafua ai oga ou le koe ago iai, ae pau lava la’u kala ga fai i le afioga ia Logo (Auapa’au Logoitino Filipo), fa’amolemoe lau Afioga Auapa’au (Auapa’au Logoitino Filipo), se’i keo fai mai le ka faila lea. O ai ea lea ga faia laka faila lea? E pau lava le kali mai a le ali’i komesiga, aua ke popole Sam, o lea a e le’o kapugia le faila a Tuuau. O lea a e fa’auau su’esu’ega. Pei a ga ou faiaku iaAuapa’au, famolemole lau afioga, a fa’aauau pea la su’esu’ega a legei ua maua aku le mau kuku ia ke a’u, o a’u lea ua avaku aka ia ma mea ia. A fa’apea o lea, koe aumai, Agon Keil se’i fai le kakou makaupu lea oga koe malolo ai la’ia pe’a fai o kulaga ia. Ia ae aka lava le susuga le ali’i komesiga ma fa’apea mai, Sam, se o oe se, ia fa’apega lava laga kali mai ia ke a’u. Ia ma ou koe aluese mai i le ofisa ma koe malaga mai i lo’u fale, ma ou sau fai sa’u galuega e maua ai se kupe e fa’akau ai se mea’ai a la’u fagau i aso ia ou ke alu ai aua ou ke igisigia.
Asiata: Ia fa’afetai Sam, O le ta fa’atalanoaga, pei a ona ou fai atu, o la e fa’afofoga mai le matagaluega o leoleo. Ou te iloa o la e matamata nisi i le taimi lenei. E mafai fo’i ona share iai e nisi ia le ta fa’atalatalanoaga lenei. E fai ma molimau, e fai ma se vaega i a latou fo’i su’esu’ega aua laga o le mau lena o loo aumai i le taimi lenei o loo fa’agasolo ai su’esu’ega. Ae e le’i fa’ama’eaina oute fia afea lava le vaega lea i sa’u fa’afesili. Ou ke lagoga o lea ua ou kilokilo aku, ua details lava le aumiga o lau, this is your version, o lau saunoaga lea ma lau molimau lea i le aumaiga. O le taimi fo’i lenei o la e taoto atu i mamalu o malo i latou fo’i sailiiliga ma tulaga fa’apea. Ae ga ou fia fa’afesili atu lava. Ole, o fea lea mapuna mai ai le tala lea, e tusa o le tau pulepulega e fa’aaoga ai se la’au malosi ini minisita se to’alua? E mafai ona e taumafai e valivalia mai la le vaega ae e iai se fa’amaoniaga o se lua feutagaina lava fa’apenei, this is a very very serious allocation, o le makua’i ogaoga lava, ua na ona ou toe fa’amanatu atu ae ete le’i tali mai luga fa’alaua’itele, ta’atia nisi o polokalame ua e alu iai, o le taimi muamua lenei i luga o la’u polokalame, ae ete le’i tali mai i le fesili lea, oute toe fa’amanatu lava i lau susuga Samuelu, le ogaoga o se tagata e tu’uaina, ae leai sona fa’amaoniaga, aemaise lava o lea ua aumai suafa i luga. Na fai na tupu nei mea, ae, ia saunoa ia.
Sam: lau Afioga Asiata … e tusa ai ma lou toe o’o atu iai ia Leala, mo sa’u tupe ua tuli ai a’u e le ali’i leoleo satini lea sa matou feigai nei ma le mataupu, ia, sa ou alu ma fai mai ai aga mea ia ia ke a’u, ua koe fafagu mai fo’i ua ea le mea sa fai atu ia te oe Sam, faiaku, o la e iai ke a’u lava le laau (gun or riffle), e le’i faia lava se solikulafogo, gei a e ia ke a’u le laau (riffle). Ia, ma sa ma o ma le alii leoleo, sa maua uma lava fa’amakalaga, ma ma kalagoaga i le po i le mea ma ke fekaui ai, la e i kokogu o le kelefogi a le susuga a le alii leoleo ia record (recordings), sa fai ai ma kalagoaga, lea ua e saugoa mai, e le kakau oga keo fa’ailoa aku le suafa po’o afioaga, ae o la e molimau le leoleo lea, o la ia gaia ma record uma (recordings) ma kalagoaga ma Leala, i le kaimi sa kau fai ai le kau pulepulega (consipiring to commit murder). I le po lava lea sa koe fai ai le ma, mea lea koe maga’o le koeaiga, faimai, ua leva ga ou fai aku ia ke oe Sam, a’o legei a e le koe faia. Aua le popole o lea e iai ke a’u lava le faga. Lea sa ia ku’uiga mai ai le $300 kala i’ake a’u.
Asiata: Malo, fa’afetai, hmm, fai si maka’ukia, e ogaoga, o lea ua fa’afalepuipuiina ia nisi o uso, ona o moliaga lava fa’apenei i loga fa’amaoniaga. A, o, o le a ;a le mafuaaga ua suia ai lou mafaufau Samoa? O le a le mafuaaga ua suia ai lou mafaufau, ua le fa’ataunu’uina ai la le vaega lea na tou feutana’i ai ina ia faia i Minisita ia e lua ua ta’ua o la suafa? Aisea ua e le fa’amaeaiga ai le vaega o le feutagaiga sa lua talatalanoa ai?
Sam: Ia , fa’afetai lava mo le fa’afesili Asiata. Ia e tusa ai ma le fa’afesili, na o le Atua e silafia lo’u loko, ou ke le valea i le kulaga lea, o le a ou alu e fai lea ikuaiga solikulafogo e ogaoga e fa’afefea ai la’u fagau ma lo’u ko’alua. Ia sa ou kago loa release ese le laau ma a’u. Ga faimai loa ia ke a’u, faiaku o le la ua i kokogu o le drugs. Aua e malamalama lelei Leala i le drugs, laga mauke kegi (gang) i kokogu o le drugs lea. Peika’i age lau afioga, ouke vaai so’o i le Kamaloa lea o Limogi (Lealailepule Rimoni Aiafi) loga igoa, ia ae ouke le, lea fa’ako’a ou ke’i gei o le kagaka e iai loga kofiga maualuga i luga o le malo. Po’o se migisika fo’i. Aua e gaka lo’u iloa ia gaia, o lo’u vaai ai i le fale o Viliamu lea e oga le Niu Vodka. Pei o kulaga ga sa mafua ai oga ou le fa’akauguuiga ia mea, la e silasila mai le Akua, e safa a’u mala’u fagau ae fai ia mea, ma ou ke le fa’avalevalea ai i mea ia. ma o mea ga lau afioga asiaka, e leai a se eseesega o le mea lea, ma le mea ga saugoa ai le afioga i le komesiga fo’i i se kasi o alii lea sa fa’akau a’u povi. Le uso ga fa’akau ai a’u povi. ga kusi mai le uso lea ua sau iai mo se fesoasoagi fo’i ua mana’o e ave fa’amalosi a gaia a’u povi, ia ua fai i luga o le masagiga ma le mafukaga ma fai upu e ogaoga, ma fa’apea mai, o a’u ouku kagofia le fuala’au o le aisa ma e le mafai fo’i oga o Sam e fa’aaoga e leoleo i’i. Ga eke silafia ai le uso. Ae pau la’u fesoasoagi ia ke oe, e ke alu i kai i le ofisa o fa’amasigoga, e aumai ai se kusi, e ave e kaofia ai la Sam oga koe soli ku’a ia ke oe. ma e koe fo’i aku Sam ia ke oe, i le mea lea faga oe. O upu gei ga fai ai i le uso. E le peplo le kala lea ou ke saugoa aku ai Asiaka. Ma sa ou pu’eiga i lalo, ia fa’amakalaga ma upu ia lau afioga, i la’u kelefogi lea e iai i le kaimi gei, la e i kai la le kelefogi lea i le fale kelefogi i le kaimi gei. Ae o mea uma ia, sa ou faiaku i le uso lea, o le kala lea ga saugoa ai le uso, faimai e sa’o. Alu e fai iai. Sa ou o’o iai ia gaia ma ou fa’apea aku ia ke ia, lau afioga, ga ou sau ia ke oe, o lea e ku’uaiga lou igoa e le uso lea, i au upu ma au kala e ku’uaiga ai mea ia e faimai, o a’u ou ke kegi igi kagaka maualuluga i Migisika ia e faigofie ga ou aumaia faga e fai ai le solikulafogo. Ma o a’u fo’i ouke le kea i se mea. O upu gei lau afdioga, o lea ouke kaukala aku ai, o upu fo’i gei ga ou kaukala ai i le Migisika, i le kamaloa lea le afioga i le komesiga. Ma e ga sa fa’apea mai ia ke a’u, Sam, kago mai ku’umai le $100 kala aumai ia ke a’u i le aso lava lea, ma’ua ma lo’u ko’alua sa ma o aku iai, ia ma fa’apea mai ia ke a’u, alu laga la e vaai mai kagaka se’i uma o’u vili aku. E o’o mai i le taimi nei, e le’i toe vili fa’atasi mai lava le komesiga e kusa ai ma legei mea ga ou o’o aku ai fo’i. Ia ga ku’ugaiga lea pei ga ku’ugaiga ai gi migisika, fa’apea o a’u e lava la’u masagiga ma migisika gei e mafai ga ou alu aumai ai gi laau malosi.
Asiata: Le Komesiga lea e iai i le taimi lenei, le komesiga o leoleo lea e iai i le taimi lenei?
Sam: Ia sa’o lelei lau afioga, le komesiga o leoleo lea e iai i le taimi lenei, Auapa’au. Ma e o tupe uma e ave e le uso lea, o le kagaka fo’i e kamaoaiga loga aiga. Ma ose kagaka e gofo mau o ia i fafo i Ausekalia. Ia, o le uso legei a ma o i le Komesiga, ga ke avea se $500. e iai solikulafogo fo’i e kupu mai ku’a i le aiga, ia e fa’apolokiki uma. Na o le ma omai a ma le uso lea, fai aku i le komesiga, oga ku’u aku ai lea o siga mea i loga lima, ia ma vili mai gaia, release i kua kagaka ia ma ke omai e avaku.
Asiata: Fa’afetai, umm, ah Sam, se’i fai atu la’u fa’afesili lea ae, ae te le’i la’asia le isi vaega lea o le, ae ete le’i mafaufau e te sau ete talanoa fa’alauaitele, aua ouke iloa ua e fiu e lu’i le matagaluega o leoleo, e atagia mai i le ta fa’atalatalanoaga, e pei ua le mamafa oe i le silasila a le tulafono a leoleo, e fua lava la’u talanoa i la’u fa’alogologo atu i au saunoaga. E atagia mai leaga o le upu lea o le informant, a, e lelei lava i leoleo mo le mana’omiaga, e fua mai i lau talatalanoa mai, ma lau fa’asoa mai, e pei o lea ua taumafai le matagaluega, I am tralking generally, my own opinion, e fuafua i luga o lau saugoaga, e atagia mai e pei e fa’ata’aloga i vai e pei ua le tautalitonuina au kala ia e fai atu. E o’o i lou taumafai e momoli atu evidence, e oo i lou taumafai e avaku aka, o ata ma mea uma, i telefoni nei, e lua a mea i lau fa’alogologo atu, muamua, e le’o fia kalikogu, lua, e atagia mai o la e puipui se mea. e taumafai e puipui se mea. I la’u fa’alogologo ia. Ae ia manatua e le’o o a’u o se fa’amasigo e le’o a’u o se komesiga. e atagia mai fo’i i tagata ia ua e willing e ta’u o latou suafa, ma fa’ailoa fa’alauaitele, e akagia mai, this are the top people o lea e fa’amoemoe lakou ke lokea le mea lea. Afai, this is a if, a alu gei suakaga o le va’atele, aua ga o le Akua e iai laga mogi ma mea uma o nei mea, a alualu gei suakaga o le va’akele, o lau saugoaga o le a eke kaukala mogi, ma fa’amaoogi o le mea fo’i lea ga kupu, o ai la se isi o le’a a iai e laveaiga lea case pe’afai e amaka mai i luga i le komesiga, tulou, laga lea e te ta’ua, lea maka mai le kilofia, o le’a sou lagona i lea mea?
Sam: E, ia a’u, e amaka mai lava i le komesiga, oo mai leoleo fai fusipa’u ia e ko’alua, ma kagaka sakigi gei, e pei fo’i gale ua fai ma masagiga, i le mea e masagi ai oga feagai i kai pei ua fo’i gae i le makou va ae pei ua lafoa’i ai e lakou la’u mau. Pei ua lakou faimai upu, lea o le a ou fa’amakala aku le upu ga saugoa ai afioga i le fai fusipa’u lea sa ma feagai. O gaia e faigaluega i le traffic. O Tupa’i le igoa matai, ae oute le ta’ua atua le suafa taule’ale’a. kalu ai oga fai pea ma figauga i le mea lea, fai iai, a fa’apea lava lea o lau figagalo lava lea kupa’i, ia la kakou o e aumai Leala, aumai i luma o leoleo, kakou kalagoa ai lea po’o ai e sa’o, pe sa’o Leala pe sa’o a’u. Afai e sa’o a’u, molia Leala, a fa’apea e sa’o Leala, molia a’u. Ae akaaka fa’aakaaka lafoga ia, faiga o fa’amakalaga o lea uso leoleo faifusipa’u ia ke a’u, ma faimai, o le makaupu gei Sam, e le pule oe e pule lava a’u, a uma a le kausaga gei e fia kausaga e le oo ai le makaupu lea i luga o le fa’amasigoga, e le pule oe e pule a a’u. O le upu lea ua ou ka’ukigo aku. Kala a gei. O upu ma kala gei ga faimai ia ke a’u. Ma le le iloa e le afioga o le faifusipa’u lea o lea ouke recordina ma kalagoaga. O lea ou ke recordina ma kalagoaga. Aua o lea ouke fuafua i luma o le fa’amasigoga, i le kaimi ou ke alu ai i luma o le fa’amasigoga, ma e faimai, e le pule le fa’amasigoga e pule lakou, o lakou e faia su’esu’e, vaai, e pau a le mea a leoleo, ga o le fai o le su’esu’ega, fai le moliaga o le kagaka o le ua solikulafogo, ma ave i luma o le fa’amasigoga, e aumai e le court le fa’aiuga. A fa’apea a la e avaku i luma o le court e ka’e ai le ulu o a’u, ia a pau e le ka’e le ulu o oe lau afioga. But, ae aka, e molimau a le susuga o le sakigi sa iai, e ko’a lima lakou i kokogu ii, pei ua fai fa’akalieega. Faimai Sam, se e ese lava le mea lea eke kaumafai ai, se ua lava lega kupe ga avaku e se koeaiga ia ke oe, e ke le malie i lega kupe? Ia la koe sau fo’i la, vaai o upu gei
Asiata: Sam, o iai ia oe se recording … ni au fa’amaumauga o nei mea?
Sam: Ua saugoaiga Asiaka, o la’u kelefogi lea ou ke fia maga’o ai i le kaimi legei e aumai, ouke kapega aku iai i le kulafogo, oga o lea e recordiga iai lakou fa’amakalaga. O lea ua uma oga fai la’u kelefogi, a’o la e iai uma a i kokogu mea gei, ae peika’i age, so’o se kagaka lava o le au alii leoleo ia makou ke kalagoa, ou ke kago a record. Aga o lea ouke iloaga, e o koe fai kala i isi leoleo, oga vave loa oga iloa a’u e le makagaluega akoa o le informa a lakou. O le iku lega ga ou puipui iai.
Asiata: Malo, Fa’afetai, Sam, o so’u toe fia fesili atu a, fesili lea i luga o le polokalame, o le’a sou iloa aisea ga avaku ai le kupe ia ke oe? aisea ga avaku ai le $9000 e Rimoni, tulou, ua ou ta’ua ona o lea e te ta’ua le suafa lea. Lea la ua ou tago e quote atu. Aisea, o lea lou talitonuga, o le’a le auga o le $9000 lea ga avaku ia oe? O lea ou te fia tulitulia le tala sua a le leoleo lea e pei e ula atu ia oe ma faimai, se ua lava ia ga kupe ga avaku e si koeaiga ia oe. O le’a le auga o le tupe lea na avatu i le amataga?
Sam: Na faimai e tapuni ai a’u aua lava gei o’u kaukala i se mea se kasi i se kagaka lava. E o’o i lo’u aiga, na faimai aua lava e te pisa i se isi. Ma le le iloa e Leala, o lea ua leva ga ou ka’uiga ia i kai. O lea ua iai i kai i o le kelefogi lea sa pu’eiga ai ma mea uma. Peika’i age o lea fo’i sa makou ke’ike’i mai ma leoleo, omai i le kaimi ga fai ai su’esu’ega ma fa’amakalga sa kusikusia, ma le mea sa ou ku ai, alu le isi leoleo ku mai i lalo ae ku aku le isi leoleo i luga, e kilia lelei le vaai ma mea uma. Na confirm uma e lakou mea uma lava, lau afioga. Ae uma ua lakou kiaia a’u i ga i vaikele ae o ma ave le keigeikiiki lea o Marie, ma faimai lea lua ai molimau, fa’apea mai, o le kei o se kasi o alii leoleo lea e ka’ai kolu lea makou o aku fa’akasi. Sa ou kiki i le iku lea. A e iloa o oe eke aiga ii e ke le sau e fai suesuega o lea e iai isi leoleo e le ga o oe se leoleo. Mai se leoleo ese mai e le kakau ga e sau ii pe’a afai eke aiga i le keigeikiiki lea. Ia o kala ua alu lalafo i lou koalua …
Asiata: …ou te fia fesiligia oe i Minisita ia ma la suafa lea na fa’atonuina oe e ina ia faia ai se gaioiga lea (comspiring to murder), e te fia mana’o e ta’u suafa o Minisita ia? E pule a oe? E te fia mana’oa ta’u o la suafa, O ai minisita ia?
Sam: O Migisika e to’alua o le afioga ia Olo, o le Migisika e muamua o le afioga ia La’auliole maliekoa. E muamua pa’o (assasinate) si koeaiga o Laauli ae fa’aiu le target ia Olo. O Migisika ia e ko’alua.
Asiata: Sam, na ta’u atu e le na lua talatalanoa, e iai se mafuaaga i tua atu a naunau e fa’aumatia (murder) tulou, e kili Minisita ia, e iai se mafuaga i tua atu?
Sam: na iai le mafuaaga na le fiafia ai o ia, na faimai o le aualii ia ua leaga ai gei le malo. Lea ua oki ai le malo. O le kala lea ma le upu lea. E faimai o le kamaloa lea o laauli ma Olo o le au alii ia o lea ua leaga ai le faigamalo lea a lakou sa makou iai, aua o o la’u paloka fo’i o lakou, o le HRPP.
Asiata: Ok, malo fa’afetai, o e fefe i lou saogalemu? …
Sam: Ia e sa’o e lagoga lava i le kigo le li’a oga o le iku e kilokilo lava i le fagau. E le o sefe. ma e o le fili e le moe. Aua e pei o le kulaga lea ga kaofiofi ai i le isi kaimi, musu ouke lelea aku i luga o mea ia, aga e vaai mai loa Leala o a’u, send mai loa e ia se tagata e target a’u. Aua o a’u lea o le a mu ai mea uma gei. O lea ou ke ka’ukigo aku a’o fa’afogoga Samoa, o le mafuaaga lega o lea ouke popole ai. Ia e le makukua si a’u fagau. E laiki fo’i. Pau a lemea lea e kakalo ai i Le Akua, fa’amolemole, aumaia loga figagalo e fa’ako’afilemu ai le makou aiga, ae a fa’apea o le a le figagalo e o’o ia ke a’u, ia a’afia ga o a’u ae aua lava ge’i aafia lo’u aiga ma la’u fagau.
Asiata: Ua silafia e leoleo, le tulaga la lea ua e talanoa ai i luga fa’ala’uaitele, ua e taumafai e tapa se puipuiga o oe ma lou aiga mai i lima o le tulafono, ma malu o le malo, pe oe fa’atuatuaina le matagaluega ma malu o le malo e maua ai sau faaolataga? … le puipui loa oe ae iloa lautele, o le a sou finagalo?
Sam: Lau afioga, lelei a lou soso aku i le itu lea, sa ou iai lalo muamua i vaaiga a leoleo, mai i le lima masiga, alu ma legei kolu masiga i kua aku, ua valu ai masiga, vaikaimi kogu lava i le kaime lea o le aso maliu, masiga o le aso maliu sa ou i lalo i va’aaiga e tolu falekalimalo sa settle a’u e le vaega. Ma sa leai se lakou puipuiga ia ke a’u. Sa leai a se mea, o lakou a e koe liki ai a’u ma le mea la ouke iai. Lea la ga mafua ai ga koe o aku i le isi vaikaimi, a’o ou iai i le falekalimalo o lynn i Moto’otua, ma o aku loa fa’apea mai, ua pa le pakeki a le malo, o lea o le a makou o ese mai le fale kalimalo oga ua pa le pakeki. … ga o le aualii leoleo a ia sa makou feagai e ese a le le fa’amaogi. Lea o le a koe omai e su’e mai a’u. … e ta’i $20 e totogi ai a’u mai i le vaega lea e tau o le intel, lea faia su’esu’ega o le drugs ma le maluaga.
Asiata: Le telefoni lea na pu’eina ai le lua talatalanoaga ma le leoleo o fea o iai le telefoni lea? …
Sam: O le kaimi gei, o la e i o i le fale kelefogi i le kaimi gei. Sa ave e fai ua leaga le screen.
Asiata: O toe iai le evidence i totonu o le telefoni i le taimi nei?
Sam: O le telefoni o le la na ave e sui le screen e leai la se mea o le a loke ai fua le telefoni ma faila o loo iai.
Asiata: O le fesili mulimuli, aisea ga e le maua ai loa le sa’oga oa le talaaga fesootai loa leoleo, ae ua e faaa’ogaina le $9000, aisea ua sui ai lou mafaufau i lenei taimi? Why now?
Sam: Pei a ona ua ou taua i le taimi ua sola, o kualaga sa ou gakia ai mea ia ma le fa’aoo ia lakou le mau, ma ou alu e ku’iku’i oga e maua ai aku ai ma le mea lea sa ma fa’apouliuli ai ma le keigeikiiki lea o Marie, ae o le kulaga kogu a ga lau susuga. O loo iai fo’i i kokogu o kusikusiga o la’u molimau ga fai i leoleo le mafuaaga ga musu ai e ka’u mea ia e fa’ailoa aku i le laukele o le akuguu.