O lo’o faia nei su’esu’ega i le mafuaaga o le tulai mai ai o se mu i le Aso Lua o le vaiaso nei, i le afioga o Vailele.
I le fa’atalanoaga a le Samoa Newshub ma le Komesina o le Pulega o le tineimū ma fa’aalavelave e tutupu fa’afuasei, na ia saunoa ai, “e le’i iai le aiga e ana le fanua i lo latou maota i le taimi na tupu ai le fa’alavelave, e fa’apea na malaga i tua i nisi o tuatuagia.
“O le itu e mautinoa, e leai se soifua na ma’imau i lea fa’alavelave, ma oloo faasolo sailiga i le mafuaaga o le mu.”
O le faletaavale na fa’atama’ia atoa ai ma nisi o ta’avale sa tutu ai, e pei ona ta’ua e le tatou molimau e le’o mafai ona fa’ailoa lona suafa.
Pe tusa o le itula e fa i le vaveao ae taunuu loa malu o le Malo i le fa’alavelave, a’o fa’atino ai gaioiga fesoasoani a le aufaigaluega o le Tineimu.
Ua fautua mai le Komesina o le Tineimu, ina ia tautuana e siaki vaega uma e ono afua mai ai se mu, ina ia tape ni uaea ma meatotino e alu i le uila, atoa ai ma le tapu o le susunuina o otaota.