Ua tafi esea manatu masalosalo o le alii o Nevo Ioane ina ua ia manumalo i le pine auro mo le si’isi’i uamea mamafa i le itupa o ali’i, i le vaega 67 kilokalama e mamafa.
O se taumafaiga fa’amalieloto a’o feagai ai ma suega siamupini a le faaitulagi o le oceania i le vaega matutua ma le vaega laiti, i le tau sailia lava o avanoa e saofaga atu ai mo taaloga a le Olimipeka o le tausaga nei.
Ua faafetaia e Nevo lona faiaoga ia Tuaopepe Jerry Wallwork, o lona aiga a si’isi’i uamea mamafa, o ona aiga ma uo atoa ai ma le atunuu i talosaga ma le tapuaiga.
O Manukau i Niu Sila, oloo faagasolo ai lea faamoemoe.
