O lo’o atagia pea le agai i luga o le tautua a alo si’isi’i uamea mamafa a si o tatou atunu’u i fa’alagamaea i fafo atu o Samoa.
Na faoa e le ali’i talavou o John Tafi le isi foi pine auro mo Samoa, i le vaega o le 73 kilokalama le mamafa.
O nei taumafaiga uma e mitamita ai soo se Samoa, aua e ui i le maualalo o le tamaoaiga ma ana atinae, o le tomai o ona tupulaga ua maoa’e, ma e leai lava se faiva e faia ma le fefe e manuia.
O nei ata vaaia i le ta’amilosaga i Manukau o se fiafiaga sili i le Faletupe mo Tagatanu’u o Samoa, le National Bank of Samoa, olo’o lagolagoina malosi le masii atu a le tatou ausi’isi’i uamea mamafa i Niu Sila e saili ai se avanoa e saofa’i ai i le fa’atulagana o au ua sa’o atu i le Olimipeka 2024 a le Oceania.
