“Samoa, your unwavering support for our purpose is astounding. As we traveled through the villages and communities on the west coast from the airport, we witnessed the dedicated efforts of the esteemed Councils of Chiefs and Orators, along with the women and young ladies. The beautiful decorations of homes and streets are a true expression of strength, showing our pride and hospitality, for our nation.
“Thank you for your hard work, and well done for your wisdom,” were the heartfelt words of appreciation from the Head of Government, Fiame Naomi Mataafa.
The government and the entire country have witnessed the extraordinary and exceptional support and cooperation from each village, led by the Councils of Chiefs and Orators, the wives of the chiefs, chiefs themselves, and the strength of the village, including the children. This was expressed through the beautiful decorations adorning the village fronts, which were enhanced by colorful displays.
Many villages utilized the colors of the 56 nations participating in the Commonwealth Heads of Government Meeting (CHOGM) to decorate their homes. It is a remarkable and extraordinary display, showcasing the deep roots and unity of all Samoans as they come together to support our leaders in preparing for this significant event.
The Prime Minister, filled with joy, praised this act of love and acknowledged the government’s call to come together in support of this great event, ensuring its success.
However, with the same spirit, the Prime Minister also appealed to the people to continue until the successful completion of this important meeting.
Fiame stated:
“With prayer and humility, we hope for the success of our purpose. May we continue working together, and let us keep praying that God will be with us.
“Samoa’s hospitality is not new, as it is deeply rooted in the customs of joyful faces, respect, love, and kindness.
“All other aspects of the preparations will be handled by the respective Chairpersons of the Working Committees to be conveyed to the nation.
“May your support be blessed, Samoa.”
This main meeting will be held for one week, starting from October 21 and concluding on 26 October 2024.
Tusia i le gagana Samoa
Vi’ia e le Palemia le talimālō lelei o nu’u ta’itasi mo le C.H.O.G.M.
Tusia: Pesetā Tusiga Taofiga
“Samoa e, e ma’eu la outou lagolago i lo tatou fa’amoemoe, i le mātau atu i afio’aga ma alalafaga i le itu i sisifo i le malaga mai i le malae va’alele, o lo’o punoua’i ai Pulega mamalu a Ali’i ma Faipule, atoa ai ma Tinā ma Tama’ita’i, o va’aiga matagofie i teuga o ‘ā’ai ma faoā ‘ā’ai, ‘o se fa’atupu malosi, ma o lo’o atagia ai lo tatou lotonu’u ma la tatou talimālō e iloa ai si o tatou atunu’u.
“Fa’afetai tele le galulue, fa’amālō le tōfā,” o le saunoaga fa’afetai lea mai le loto fa’agae’etia o le afioga i le Ta’ita’i o le Mālō iā Fiame Naomi Mataafa.
Ua va’aia ma molimauina e le Mālō ma le atunu’u atoa, le maoa’e ma le mauāluga o le lagolagosua ma le opogi a afio’aga ta’itasi i le Pulega Mamalu a Ali’i ma Faipule, Faletua ma Tausi, Sa’oao ma Tama’ita’i fa’apea le Malosi o Nu’u se’ia o’o i fanauiti, e ala i le teuteuina fa’amatagofieina o lumā maota ma laoa, ua aulelei ma lasi i le va’ai i le felanulanua’i o teuga ua mae’a tapenaina.
O le tele o afio’aga ua fa’aāoga lanu o tagāvai o atunu’u ‘ese’ese e 56 o lo’o i le li’o o le Fonotaga Tele a Mālō o le Taupulega, e vali ai teuteuga ‘ese’ese i o latou lumā fale.
O se tulaga ‘ese ma maoa’e, e fa’aāli ai le maua’a ma le tutūfa’atasi o tagatānu’u Samoa uma, e so’oso’otau’au ma ofo le lagolago i tapenaga uma nai o tatou Ta’ita’i auā lenei taligāmālō tele.
Na vi’ia ma le loto ua tumu i le fiafia e le afioga i le Palemia lenei galuega alofa ma le amanaia o le talosaga atu a le Mālō ina ia tu’u fa’atasi tau’au e lalago ai lenei fa’amoemoe tele ia tino mai.
Peita’i o le agaga lava lea e tasi na toe tatalo ai le afioga i le Palemia i nai o tatou tagatānu’u, ina ia fa’aauau pea se’ia mae’a manuia lenei Fonotaga Tele.
Saunoa Fiame;
“O le tatalo ma le agaga mauālalo, ia alofagia lo tatou fa’amoemoe. Ia mapo pea lo tatou galulue so’oso’otau’au, ma ia tatou fai tatalo pea, ia ‘au le Atua ma i tatou.
“E lē fou le talimālō a Samoa i lana tu ma lana aga i uiga tausili o le laufofoga fiafia, le fa’aaloalo, le alofa ma le agalelei.
“O isi vaega uma o le tapenaga i lona fa’alauteleina o le ā feagai ma Ta’ita’ifono o Komiti Galue mo le fa’ailoaina i le atunu’u.
“Ia manuia lau tapuā’iga Samoa.”
O lenei Fono Tele e usuia mo le tasi le vaiaso, amata atu i le Aso 21 o Oketopa ae fa’amae’aina i le Aso 26 o Oketopa 2024.
