The Public Service Association (PSA) marked a major milestone on Friday with the official opening of its new office complex at Fugalei.
Prime Minister Fiamē Naomi Mataʻafa delivered the keynote address at the ceremony, describing the occasion as the dawning of a new chapter for the association and for the country’s public service sector.
The newly opened premises include the PSA’s main office, a large meeting hall, and a dedicated childcare facility to support working parents, a feature the Prime Minister said would be particularly helpful for mothers balancing their responsibilities at home and work.
“This project has been built with commitment and care, and it reflects the value of the PSA and its role in national development,” said Fiamē.
“The government depends on its workforce, and their service is vital both in stable times and in moments of crisis.”
The Prime Minister acknowledged the PSA’s leadership and members for their collective efforts in realising the long-anticipated project. She also expressed confidence that the new space would strengthen the unity and mission of the association.
%20office.webp)
“With this new home, I believe the PSA will continue to grow and fulfil its role with renewed energy and clarity,” she said.
The event was attended by Cabinet ministers, members of parliament from both FAST and HRPP parties, heads of government ministries, representatives of diplomatic missions, and members of the business sector.
The Prime Minister concluded by wishing the PSA well in its work ahead, noting that while the building itself is important, the service and leadership carried out within it will ultimately define its value.
The full remarks by the Prime Minister are published below:
SAUNOAGA A LE TAMAITAI PALEMIA: AFIOGA FIAMĒ NAOMI MATAʻAFA
Tatalaina o le Ofisa Fou o le Faalapotopotoga a Tagata Faigaluega a le Malo
Aso Faraile, 17 Iulai 2025 – Fugalei i le 3:00PM
O lea ua te’a sā uila, ma ua fofola le le’i pa’e i matagofie, auā o lea ua momoli la tatou taulaga faafetai, a o sa tatou faasifoga i lo tatou Matai Sili, e pei ona saunoa iai le taitai o le sauniga – lau afioga Patele Kelekolio. O le faailo lava lea o malama o pupula, ma le fotua’i mai o le taeao fou o Faalapotopotoga o Tagata Faigaluega a le Malo, le faamoemoe lea ua tau i manū i lenei aso.
Ou te faatulou atu i lau Susuga i le Taitai o le Sauniga
Afifio Minisita o le Kapeneta Tausi
Afio lau afioga i le Ta’ita’i ole Vaega Faaupufai a le HRPP
Lau afioga Taitai o le Vaega Faaupufai a le FAST
Sui o Malo mai Fafo
Faauluuluga o Matagaluega ma Faalapotopotoga Tumaoti
Le Vaega Maoti ma Pisinisi
E faapea foi le paia o Samoa ua potopoto i le maota.
Ou te faatulou atu.
O paia, o sa ma faigā o le atunuu, le Ekalesia ma le Malo, ua lalago faatasi, ma ua taoto i laulelei ma lagi matafi. O paia e tumau, ma e lē avea.
A o le asō, o lea tau lau o le faamoemoe o le Faalapotopotoga a Tagata Faigaluega a le Malo, sa fau ao ma fau po. O le maota fou mo lona Ofisa, faapea le fale tele mo fonotaga, aemaise le nofoaga ua fausia faapitoa mo le vaaia o fanau iti a le aufaigaluega e tautamā, ae taufai faigaluega uma le tamā ma le tinā. O lea ua maea, ua tino le uto, ma ua tau ai.
Ou te taofi, o lenei faamoemoe o le a fai ma taula o le toe lalagaina o le faamaopopoina o le PSA ma ona nafa tauave. O se laasaga fou i le talaaga o le Faalapotopotoga, ma ou te taofi, o le pine fa’amau lea o le maelegā ma le vilivilita’i o tulaga tofi o loo iai nei, ma Sui uma o le Faalapotopotoga.
I le iai o le Ofisa autu i le maota nei, e le taumate o le a siitia le naunau e saga vanivani ma matimati le anava ma matafaioi a le Faalapotopotoga. O le upu moni, e tua le Malo i le aufaigaluega. E faapea foi ona tua le vaega maoti ma pisinisi i le aufaigaluega. O o latou tomai ma agava’a i so’o se matātā ma so’o se faatufugaga, o laei ia, o so’o se faigamalo manuia.
O la latou tautua, e lagomalū ma tu taumua i aso lelei, ma lave i manino i aso faigata. O le aufaigaluega, o le faamoemoega lea o le atunuu, latou te faatino lo latou valaauina e tautua mo Samoa. O tatou uma o le aufaigaluega ma le au tautua a le atunuu. O le tatou anava lea, ma le fatuaiga tausi lea mo Samoa.
O lea ua faailoa mai o le a iai ma se auaunaga i le maota lenei mo le vaaia o nai fanau iti a le aufaigaluega i taimi faigaluega. O se faamaite lelei, aua o le tele o le mamafa o le vaaiga o fanau iti, o nai tina. Atonu o le a fesoasoani lea auaunaga i nai tina ma tamā o loo moomia lea fesoasoani, ina ia mafai pea ona faaauau tiute ma galuega i Matagaluega ma Faalapotopotoga.
E leai lava se savaliga e ‘asa ma ni lu’itau. Peitai, o so’o se lu’itau o lo o taoto ai ni lesona aoga mo le lumanai, ma saga uunaia ai le faatinoina o galuega ma auaunaga. O le faamalosi i le Faalapotopotoga ina ia tuli i luma lo outou faamoemoe, ina ia mapo auaunaga o le a faatino i lenei maota, auā le maopopoga o Sui auai o le Faalapotopotoga.
Ou te faafetai atu i le afioga i le Peresetene ma tulaga tofi mamalu o le Faalapotopotoga i lo outou pulunaunau e fausia lenei galuega. E faapea ona faamauina le faafetai i Sui uma o le Faalapotopotoga sa fai sao i lenei faamoemoe.
O le toe upu ia faamanuia tele le Atua i lenei galuega o le a tatalaina. O le faamanatu, e taua le fale, ma e taua foi lona anofale. Ia agalelei le Atua i lau afioga i le Peresetene ma tulaga tofi ma Sui uma o le PSA.
Ia i ai pea le taitaiga mamana a le Atua i lo outou faamoemoe, atoa ma le tautua mo le atunuu, ma o tatou tagata. Ia manuia lenei sauniga.
Soifua.
