O le itūmālo ole Vaa o Fonotī, Sāfata 2, Sālega 2, Sāgaga 2, atoa ai ma Lefaga ma Falease’ela, lea na fa’atoa sainia i le asō a latou vaegatupe ta’i 160,000 tala, mai le miliona lona lua mo itūmālo e 51.
O nei lava tino’itupe e mo le fa’agaioiina o ofisa o fono fa’avae a itūmālo, ma o le mafai ai ona fa’amatu’u o a latou seleni, ina ua fa’amalieina le komiti fa’afoe i lipoti a su’etusi, i le fa’aaogaina o vaegatupe mai le miliona muamua mo nei itūmālo.
O ta’ita’i fono, sui ta’ita’i fono atoa ai ma failautusi mai itūmālo e lima na auai I le aso, na sainia pepa mo le fa’amatu’u atu o a latou ta’i 160,000 tāla.
Na saunoa le minisita o tina ma tama’ita’i ia Mulipola Anarosa Ale Molioo,
“O lu’itau ma lesona na o tatou maua mai i le fa’agaluea’ina o le miliona muamua, e matimati ai le fa’agasologa o le seleni lenei mai le miliona lona lua.
“O le fa’amoemoe ina ia fa’asafua mo le manuia o tagata uma, ae ia aua nei fa’apito manu ia tasi.”
Na auai foi le Minisita o Tupe, ia Lautimuia Afoa Uelese Vaai