World Intellectual Property Day; 26th April, 2024
Keynote Address
Honorable Leota Laki Lamositele Sio Minister for Commerce, Industry and Labour World Intellectual Property Day
Talofa lava and greetings to all our stakeholders in attendance today to celebrate the World IP Day 2024.
World Intellectual Property Day is celebrated every year on April 26. It was established by the World Intellectual Property Organization (WIPO) in 2000 for the purpose of raising awareness about patents, copyright and trademarks. It is an opportunity for people to learn how these laws impact our daily life. Samoa became a member of WIPO in 1997.
The theme of this year’s World IP Day is “IP and the SDGs: Building our common future with innovation and creativity”. We believe that the branding projects currently being undertaken by our Branding Bureau and highlighted in this year’s World IP Day activities such as the;
- branding of siapo made from Vailoa Palauli,
- branding of the ie iniini made from Siutu,
- the branding of handicrafts made by members of the Tufa le Taleni Society,
- and the Nofotane Programme under the Samoa Victim Support
- and today’s IP workshop. A similar workshop was held in Savaii last week.
We have noted from last Friday’s Workshop in Salelologa Savaii, a request from the Association of Flea Market Vendors from Salelologa Market and a number of other Savaii entrepreneurs, for the Branding Bureau’s assistance with the branding of their handicrafts.
These series of interventions we trust directly address a number of Sustainable Development Goals, through building sustainable communities and growing their economies using grassroots innovations thus putting an end to poverty and hunger.
I wish you well in the celebration of the 2024 World IP Day. God bless.
SOIFUA.
I le gagana Samoa
Aso Faapitoa o Meatotino Tau le Atamai a le Lalolagi, 26 Aperila 2024
Sini Autu: Mataituina lea o le faaaogaina o meatotino tau le atamai i le ausiaina o manulauti mo se lumanai manuia e gafataulimaina
Saunoaga Autu Afioga Leota Laki Lamositele Sio Minisita o Pisinisi Alamanuia ma Leipa Aso Faapitoa o Meatotino Tau le Atamai a le Lalolagi
Le paia ma le mamalu ole au usufono.
O lea ua mae’a le faasifoga i lo tatou Atua auā o lona alofa ua matalupe ai le asō ma o lea ua faailo le malama mai lagī, ua tatou tafesilafa’i i ona manuia. E faafetaia ai lau susuga le taitai ole sauniga mo le upu faalaeiau e taiala lo tatou faamoemoe i lenei Taeao. Ia faapena ona faamanuia atu pea le Atua i lou valaauina.
O lenei taeao ma lo tou afifio mai, e muai faatulou atu i le paia ma le mamalu o le tatou mafutaga ma ua ou le asā le vaofilifili i mea ane ua fenumiai le uto ma le maene ona maimau ai lea o i’a o le upega. Ae faafetai le tali leleia o le faatalauula atu a le tatou Matagaluega, tatou te patipatia le faamanatuga o le ‘Aso Faapitoa o Meatotino o le Lalolagi i lenei Tausaga, 2024’.
Na uluai avea Samoa ma sui o le Faalapotopotoga o Meatotino Tau le Atamai a le Lalolagi (World Intellectual Property Organisation, WIPO) i le tausaga e 1997.
Ae O lenei aso faapitoa na uluai faamamaluina i le tausaga e 2000, ma e faamanatuina i le aso 26 o Aperila i tausaga taitasi. O le faamoemoe autu ia unaia le faalauiloaina o le taua o vaega eseese o Mataupu Tau le Atamai (Intellectual Property) i le gaosiga o oloa ma auaunaga e tauala mai i o tatou tomai faapitoa,mo le atinaega o pisinisi aemaise le faamaitega o ni pisinisi fou e siitia ai le tamaoaiga.
O le autu o tapenaga i lenei tausaga o le ‘mataituina lea o le aoga o meatotino tau le atamai, mo se lumanai manuia e gafataulimaina. O lenei la tausaga ua fuafua ai le tatou matagaluega e siitia le faagasologa o lenei auaunaga aemaise ai le faatinoga o ni polokalame faaauau e aofia ai le atunuu atoa. Oloo galulue le Vaega o Lesitala o Kamupani ma Meatotino Tau le Atamai ma nisi o faipisinisi taitoatasi, faalapotopotoga ma ni sosaiete, ile faaleleia o agavaa ma tomai e tapue ai le faatinoga olea ituaiga atamai. Ole luitau autu, o le kopi lea e se fai oloa le atamai faamaite a le isi fai oloa i lana taumafaiga e faatulaga ese lana oloa poo le auaunaga ina ia siitia ai lona tamaoaiga. Ose faataitaiga taatele ile tatou atunuu ole faaaogaina lea ole mamanu o ie lavalava na kopi mai le isi. Ole a avea polokalame nei a le Matagaluega e fesoasoani foaia ai nei luitau atoa ai ma le lagolago ale Matagaluega ile faaaogaina ole tulafono e puipuia ai faioloa mai i faiga faaalatua. Ole naunautiga o le Matagaluega ia siitia lana auaaunaga ile mataituga o ni faiga faa solitulafono ma le faatinoga o poloklame faalauiloa ina ia malamalama ai le mamalu ole atunuu oloo gafa ma le faafoeina o nei atinae taua.
Oute manatu ole tatou faatasiga i lenei Taeao oloo faaauau mai ile aso ananafi ua maua ai le avanoa e faasoa ai fingalo ma le Matagaluega i auala eseese e mafai ai ona faaleleia atili auaunaga mo le atinae o sosaiete, faalapotopotoga ma pisinisi laiti e tauala atu i Mataupu Tau i Meatotino Tau le Atamai (Intellectual Property).
O se tasi nei o taleni oloo faatuatuana’i lona atinaega ma oloo faatulaga ile pito i lalo o atina’e taua. Ole pine olea mau ole to’a gaogao o i latou oloo tauavega nei taleni ona e foliga mai e tuu lava ile sogasoga ole tagata ia e taumafai lana pito laau. Ose faataitaiga ua lau silafia i Samoa, ole faaaogaina ole taleni ole pese poo le tusi ata e maua ai le tamaoaiga ma ua faailogaina ose mea totino a le na faamaitea le atina’e e auala mai lana taleni poo lona atamai.
Ole tele ia o avanoa e faaleleia ai lenei atina’e ma e ui ina toagaogao i latou ua latou faaaogaina lea atamai ae ua lauiloa ai Samoa ile lalolagi ona ole sogasoga o nei tamalii ma tamaitai ile faaaogaina o latou taleni. O nisi o nei tamalii ua lauiloa ai Samoa ia latou taleni, e aofia ai le susuga a Paulo Suluape
ile taleni ole ta tatau, Faanana Jerome Grey ma Lale Peteru ile fatu pese, Makulata Taua ile mamanu o le siapo, Leota Lene ile siva afi, Petelo ma Sumeo ile fai faleaitu ma le anoano o isi tamaitai ma tamalii oloo fai sao ile atinaega ole tele o taleni e siitia ai le tamaoaiga. Oute manatu e tatau ona toe unaia atili taleni faapenei ina ia faalautele ai le avanoa ma o le galuega ole a tapena iai le matagaluega ile lumana’i ona o se tasi foi lenei o manu lauti a le tatou Malo ole unaia lea o atina’e faamaite ile vaega o agafesootai e siitia ai le tamaoaiga. Faasoa mai o tou finagalo e fesoasoani ai ile Matagaluega ile fausaga male faatinoga o polokalame talafeagai ma ni fesoasoani e lagolago ai lenei faamoemoe.
Faamaea atu ai se faamatalaga faapea. Ua saunia e le Matagaluega ni faailoga faapitoa e faailoa ai le taumafaiga a nisi taitoatasi poo sosaiete oloo gafa male faatinoga o nei atina’e. Ma ole a faia lea sauniga ise taimi ole aso. E faamalo atu ia I latou mo la outou taumafaiga ona e le faigofie le faatinoga aemaise ai le tele o luitau oloo feagai ma lenei ituaiga atina’e. Malo le fai ole faiva, malo le toaga ia faamanuia atu le Atua ia tupu ma ola a outo atina’e.
Ia agalelei mai le Atua i le tatou polokalame auā ua na’o ia lava ua ai le poto lilo ma le mafai e faaatoaina ai se taumafaiga e le gata mo outou le aufai pisinisi ae faapea foi le lagolago a le tatou Matagaluega.
Ia manuia tele le Aso Faapitoa o Meatotino Tau le Atamai o le Lalolagi i lenei tausaga ma fuafuaga i lenei aso.
SOIFUA.
